Sitadèl : Kèk tan aprè, 12 Kadav toujou atè a.
12 èdtan aprè dram nan, sitiyasyon an toujou grav. Jounalis Media ki sou plas rapòte : anviwon 12 kadav toujou atè a anndan Sitadèl la pèsonn poko vin rekipere yo.
Pandan tan sa, lapolis fèk rive sou espas la.
Jis kounye a, Poko gen okenn responsab lopital Milot ki deside pran lapawòl devan kamera. Paran yo la depi mitan lannwit, kanpe nan fènwa, ap tann nouvèl pitit yo, Pèsòn pa pale ak yo, Pèsòn pa ba yo yon repons.
Èd ki te soti Okap pou vin ranfòse ekip sou plas la te oblije retounen, akoz mank materyèl pou travay.
San sekou ofisyèl, se fanmi yo menm ki pran responsablite rekipere nan mò yo ak dra, sou kad epi desann ak yo sou mòn nan apye. Kèk nan kò yo deja kòmanse antre nan yon eta dekonpozisyon.
Guy Wewe Media ap swiv dosye a, Nap kontinye pote enfòmasyon yo pou piblik la.
Source: TI ZOE LE SPECIMEN
Credit: TI ZOE LE SPECIMEN
